Вьетнамда жоғалған қазақстандық қыз табылды. Бұл туралы оның әпкесі бөлісті, – деп хабарлайды aqshamnews.kz тілшісі.
Оның сөзінше, сіңілісі жағдайды айтпауын сұраған. Қыздың әпкесі оны табуға көмектескен барлық құзырлы органға алғыс білдірді.
"Басқа пікір білдіре алмаймын. Ең бастысы ол табылды, консулдың жанында", - деді қыздың әпкесі.
Еске салайық, бұған дейін жоғалған қыздың әпкесі әлеуметтік желілерде үндеу жариялады. Оның айтуынша, 26 жастағы Әсем Қазақстан консулымен кездесу үшін Ханойға ұшуды жоспарлаған. Алайда әуежайдан шамамен 20 шақырым жерде байланысқа шықпай қалған.
Туыстарының сөзінше, жоғалар алдында Әсем қатты қорыққан, біреулер аңдып жүргенін айтқан.