Темекі екі шетелдікті жолдан қалдырды.
Алматы қаласы әуежайындағы желілік полиция бөлімінің қызметкерлері әуе компаниясы өкілдерінің актісі бойынша «Алматы – Кутаиси» бағытындағы әуе рейсінің екі жолаушысын түсіріп алды.
Көлік полицейлері тексеру барысында 20 жастағы екі шетел азаматын анықтады. Олар ұшаққа отырғызу кезінде әуе кемесінің жанында темекі шеккен, деп хабарлайды Almaty-akshamy.kz.
Құқық бұзушылардың әрқайсысына 15 АЕК (55 380 теңге) айыппұл салынды.
Дәл сол күні Алматы әуежайының көлік полицейлері де екі шетелдік құқық бұзушыны анықтады. 54 және 57 жастағы әйелдер «Алматы – Астана» бағытындағы әуе рейсімен ұшу кезінде дөрекілік танытып, жолаушылардың тыныштығын бұзған.
Құқық бұзушы әйелдерге қатысты ұсақ бұзақылық бойынша әкімшілік хаттама толтырылып, материал шешім қабылдау үшін сотқа жолданды.