Қазақстан Республикасы Ұлттық қауіпсіздік комитеті (ҰҚК) ашық теңізде «Мелиана» кемесін ұстау сәті бейнеленген кадрлар жариялады. Бұл операция елден заңсыз мұнай өнімдерін шығару әрекеттерімен байланысты, деп хабарлайды almaty-akshamy.kz
«Батыснефтетрейд» ЖШС «Мелиана» танкері арқылы мұнай өнімдерін заңсыз экспорттауға тырысқан. Бұл операция Әзірбайжанның Socar Trading мемлекеттік мұнай компаниясы атынан жасалған. Осылайша, бұл іс халықаралық мәртебеге ие болды. Lenta.ru ақпарат көздерінің хабарлауынша, бұл қылмыстық іске Әзірбайжан тарапынан контрабандалық мұнайды экспорттау мәмілесіне жауапты басты тұлға Исрафил Юзбашев те тартылған.
Қазіргі уақытта Астана, Шымкент қалаларында, Түркістан және Маңғыстау облыстарында қажетті жедел-іздестіру шаралары жүргізілуде.
Ұлттық қауіпсіздік комитетінің пайымдауынша, нафта өнімі «Мелиана» танкеріне пешке арналған май желеуімен экспортталған.
Бұл өнім Қазақстанның Маңғыстау облысында орналасқан «Маңғыстау мұнай өңдеу» ЖШС мұнай өңдеу кәсіпорнында шығарылған.