Қылмыстық істер қозғалды.
Ұлттық қауіпсіздік комитетінің мамандары Қазақстанға опасыздық жасады деген күдікпен бір топ адамды ұстады, деп хабарлайды Almaty-akshamy.kz.
«Ұлттық қауіпсіздік комитеті тыңшылық, мемлекетке опасыздық жасау, мемлекеттік құпияларды заңсыз жинау және жария ету күдігімен адамдар тобын, оның ішінде шетел мемлекетінің азаматын ұстады», - делінген Комитеттің баспасөз қызметінің хабарламасында.
ҚР ҚК 175-бабының 1-бөлігі (мемлекетке опасыздық жасау), 176-бабы (тыңшылық) және 185-бабының 3-бөлігі (мемлекеттік құпияларды заңсыз жинау және жария ету) бойынша қылмыстық істер қозғалды.
Тергеу соты осы адамдар тобына қатысты қамауда ұстау түріндегі бұлтартпау шарасын таңдады.
Қылмыстық істердің «Құпия» белгісі бар, осыған байланысты тергеу мүддесінде өзге ақпарат жария етілмейді.