Ұлытау облысында, соның ішінде Жезқазған қаласында жанармай тапшылығы байқалып, май құю бекеттері алдында үлкен кезектер пайда болды, деп хабарлайды aqshamnews.kz.
Қазақстан Республикасы Энергетика министрлігінің мәліметінше, облыстағы қазіргі жанар-жағармай қорлары шектеулі:
- АИ-92 – 0,72 мың тонна (шамамен 10 күнге)
- АИ-95 – 0,13 мың тонна (8 күнге)
- Дизелдік отын – 3,06 мың тонна (14 күнге)
Тапшылықтың негізгі себебі жанар-жағармайды жеткізуде кешігулер болып табылады. Алайда, жағдайдың жақсарады деп күтілуде. Себебі алдағы аптада екі вагон жанармай жеткізіледі. Артынан тағы 16 вагон жетеді деп үміт артып отыр. Облыс әкімдігі жанар-жағармай бекеттеріндегі шектеулердің алынып тасталатынын мәлімдеді.