Жұмажан Жаңбыров, техника ғылымының докторы, профессор:
Кеше өткен Ұлттық құрылтайда Мемлекет басшысы ғылымды дамытуға бағытталған маңызды бастамаларды көтерді. Соның ішінде екі ірі ғылым қалашығын құру туралы шешім – еліміздің ғылыми әлеуетін жаңа деңгейге көтеретін аса өзекті жоба.
Ғылым қалашықтары – инновациялар мен жаңа технологиялардың орталығы болмақ. Мұнда жас зерттеушілерге, инженерлерге, өнертапқыштарға қолайлы жағдай жасалып, олардың идеяларын жүзеге асыруға мүмкіндік беріледі. Бұл қадам Қазақстанның ғылыми-өндірістік базасын күшейтіп, бәсекеге қабілетті экономика құруға ықпал етеді.
Еліміздің болашағы – ғылым мен технологияда. Сондықтан бұл бастаманы қолдап, оның табысты іске асуына үлес қосу – әрбір ғалым мен маманның міндеті.