Үлкен Алматы айналма автомобиль жолы төлемақысының мөлшері бекітілді

Автор Almaty-akshamy.kz.
12:53, 11 шілде 2023

Сурет: ашық дереккөз

ҚР ИИДМ басшысы «Ақылы негізде «Үлкен Алматы айналма автомобиль жолы» (ҮАААЖ) республикалық маңызы бар жалпыға ортақ пайдаланылатын автомобиль жолының учаскесін пайдалану туралы» 2023 жылғы 4 шілдедегі бұйрыққа қол қойды, деп хабарлайды Almaty-akshamy.kz.

Атап айтқанда, құжатта «Үлкен Алматы айналма автомобиль жолы» учаскесі ақылы негізде пайдаланылатыны бекітілді.

Алматы қаласы мен Алматы облысы арқылы баламалы жолдар бойынша жүріп өтуге болады,-деп жазды Zakon.kz.

Ақылы жолдың бастапқы пункті – Алматы – Ұзынағаш автомобиль жолының 22+640 км, ақылы жолдың соңғы пункті – Алматы – Талғар автомобиль жолының 22+000 км.

Бір сағат ішінде жүріп өткен жолға қарамастан сапар құны:

жеңіл автомобильдер – 0,07 АЕК (241,5 теңге);

16 жолаушы орнына дейінгі автобустар және жүк көтергіштігі 2,5 тоннаға дейінгі жүк автомобильдері – 0,08 АЕК (276 теңге);

32 жолаушы орнына дейінгі автобустар және жүк көтергіштігі 5,5 тоннаға дейінгі жүк автомобильдері – 0,14 АЕК (483 теңге);

32 жолаушы орнынан автобустар және жүк көтергіштігі 10 тоннаға дейінгі жүк автомобильдері – 0,16 АЕК (552 теңге);

жүк көтергіштігі 10 тоннадан жоғары 15 тоннаға дейінгі жүк автомобильдері – 0,2 АЕК (690 теңге);

жүк көтергіштігі 15 тоннадан басталатын жүк автомобильдері, оның ішінде тіркемелері бар ершікті тартқыштар – 0,22 АЕК (759 теңге).

Сондай-ақ құжатта көрсетілген санаттағы көліктер үшін 1 ай және 1 жылға абонемент сатып алу қарастырылған.

Абонемент құны:

жеңіл автомобильдер: бір айға – 0,5 АЕК (1725 теңге), бір жылға – 5 АЕК (17 250 теңге);

16 орындық автобустар мен жүк көтергіштігі 2,5 тоннаға дейінгі жүк көліктері: бір айға – 0,6 АЕК (2070 теңге), бір жылға – 6 АЕК (20 700 теңге);

32 орындық автобустар мен жүк көтергіштігі 5,5 тоннаға дейінгі жүк көліктері: бір айға – 1 АЕК (3450 теңге), бір жылға – 10 АЕК (34 500 теңге)

32 орыннан асатын автобустар және жүк көтергіштігі 10 тоннаға дейінгі жүк автомобильдері автопоездар: бір айға – 1,5 АЕК (5175 теңге), бір жылға – 15 АЕК (51 750 теңге)

жүк көтергіштігі 10 тоннадан жоғары 15 тоннаға дейінгі жүк автомобильдері: бір айға – 2 АЕК (6900 теңге), бір жылға – 20 АЕК (69 000 теңге)

жүк көтергіштігі 15 тоннадан асатын жүк автомобильдері, оның ішінде тіркемелері бар ершікті тартқыштар: бір айға – 2,5 АЕК (8625 теңге), бір жылға – 25 АЕК (86 250 теңге).

Бұйрық 2023 жылғы 21 шілдеде күшіне енеді.