Адам өмірі бәрінен жоғары.
Бүгін ҚР Премьер-Министрі Олжас Бектенов су тасқынына байланысты Қазақстан халқына үндеу жасады, деп хабарлайды Almaty-akshamy.kz
Бектеновтің айтуынша, тұрғындардың көбі су тасқынының ауыр зардаптарына сенбейтіндіктен эвакуациялау жұмыстары қиындап тұр.
"Байқап отырғанымыздай, биыл су тасқыны бұрын-соңды су тасқыны тіркелмеген аймақтарда да орын алуда. Осыған байланысты Қазақстан халқын әкімдіктер мен арнайы қызметтердің хабарлауын мұқият қабылдап, олардың нұсқауларын тыңдап, орындауды сұраймын. Адам өмірі бәрінен жоғары. Алдымен эвакуациялау қауіпсіздігіңізді қамтамасыз етуге бағытталған, құтқарушыларға көмектесуіңізді сұраймын, олардың жұмысын қиындатпаңыз, олар сіз үшін жұмыс істеп жатыр", - деді Олжас Бектенов.
Сондай-ақ Премьер-Министр құтқарушыларға, дәрігерлерге және қазіргі таңда өңірлердегі су тасқынын жою жұмыстарын жүргізіп жатқандардың барлығына үндеу жасады.
"Құтқарушы болып жұмыс істеу оңай емес, өкінішке орай, Батыс Қазақстан облысында қызмет барысында сержант Батырбек Қапсиков пышақталып, қылмыскер ұсталды. Тәртіп сақшылары мен құтқарушылар ерлік пен батылдық танытуы керек. Ақтөбе облысында су тасқыны кезінде анасы да, жаңа туған егіздер де аман қалды. Осы сәтті пайдалана отырып, құтқарушыларымызға, тікұшақ ұшқыштарына, Ішкі істер министрлігі, Ұлттық ұлан қызметкерлеріне, медицина қызметкерлеріне және төтенше жағдайларда тұрғындарды құтқарып, қолдау көрсетіп жүрген жай еріктілерге алғысымды білдіремін", - деді Олжас Бектенов.
