Президенттікке үміткер Нұрлан Әуесбаев тығыз салынған құрылысқа қарсы пікір білдірді.
Ол бұл мәселе тек елорда және Алматы қаласымен шектелмейтіндігін атап өтті. Бүгінгі күні бұл Қазақстанның барлық дерлік қалаларына таныс жағдай. Нұрлан Әуесбаевтың пікірінше, тығыз құрылыс қала қасіретіне айналуда. Одан бөлек тойымсыз құрылыс салушыларға ең жақсы жер телімдерінің берілетіні тағы бар. Оған қоса әкімдіктер игеруге бас жоспар бойынша мектеп, балабақша мен ауруханалар салынуы тиіс жерлерді беруде. Нәтижесінде тұрғындар әлеуметтік инфрақұрылымның жоқтығынан зардап шегеді.
Нұрлан Әуесбаев қоғам алдында тұрған тағы бір мәселе – сыбайлас жемқорлық. Құрылыс салушылар өз мүдделерін ғана ойлап, пара беру арқылы ең жақсы жер телімдерін иеленуге ұмтылады деп есептейді.
Үміткердің пікірінше, жағдайды барлық деңгейдегі әкімдерді тікелей сайлауды енгізу арқылы ғана өзгертуге болады.
– Қала басшылары халық алдындағы жауапкершіліктерін сезінбейінше, парақорлықты жеңу мүмкін емес, – дейді ол.
Осы уақытта Алматыда белсенділер «Салауатты өмір салты мен табиғаттың сақталуы үшін!» Нұрлан Әуесбаевты қолдап, таза ауада жаттығулар ұйымдастырды.
Қазақстан Президентінің кезектен тыс сайлауы 20 қарашада өтеді. Егер басқа өңірде тіркелген адам 20 қарашада Алматыда болса және осында дауыс бергісі келсе, онда ол заңға сәйкес өзінің тіркелген жері бойынша сырттай куәлікті алып, сайлау күні осы құжатпен кез келген сайлау учаскесіне келуге тиіс екенін білу маңызды. Сондай-ақ есептен шығару куәлігі басқа сайлау округінде немесе бір елдімекен шегінде басқа сайлау учаскеде дауыс беруге қатысқысы келетін сайлаушыларға берілмейді. Яғни, алматылықтар өздері бекітілген учаскелерде ғана дауыс беруі тиіс.