Түрксіб ауданында тұрмыстық қарым-қатынастар саласында жасалатын құқық бұзушылықтардың алдын алу үшін 20-29 қаңтары аралығында «Тұрмыс» атты жедел-профилактикалық іс-шара өтеді, деп хабарлайды Aqshamnews.kz
Полиция қызметкерлері тұрғындар арасында заңнаманы түсіндіру, тұрмыстық құқық бұзушылыққа бейім азаматтардың және әлеуметтік жағдайы төмен отбасылардың тұрғылықты жерін тексеру бойынша кең ауқымды шаралар жүргізуге бағытталған.
Құрметті Түрксіб ауданының тұрғындары! Егер тұрмыстық зорлық-зомбылық фактілері туралы білсеңіз немесе оның құрбаны болсаңыз, келесі байланыс нөмірлеріне хабарласуыңызға болады:
- 102 – жедел әрекет ету орталығы;
- 298-54-02 – Түрксіб аудандық полиция басқармасының кезекші бөлімі;
- 298-54-07 – учаскелік полиция инспекторлары бөлімінің басшысы;
- 298-54-12 – учаскелік полиция инспекторлары бөлімінің басшысының орынбасары;
- 298-54-25 – әйелдерді зорлық-зомбылықтан қорғау жөніндегі аға инспектор.
Сонымен қатар, шараға дағдарыс орталықтары да қатысуда. Олар құқықтық және психологиялық кеңес беру үшін тәулік бойы жұмыс істейді:
- «Родник» ҚҚ – 396-19-38;
- «Жан-Сая» – 150 (тәулік бойы) немесе 8 777 225 53 26.
«Тұрмыс» іс-шарасы отбасылық-тұрмыстық қатынастар саласында құқық бұзушылықтардың алдын алуға, қоғамдағы зорлық-зомбылық деңгейін төмендетуге және құқықтық мәдениетті арттыруға бағытталған. Полиция тұрғындардан белсенді азаматтық ұстаным танытып, тұрмыстық зорлық-зомбылықтың кез келген фактісіне бей-жай қарамауды сұрайды.