Түркістан қаласында Саттарханов көшесіндегі мұнай базасының аумағында өрт болды, деп хабарлайды Аqshamnews.kz тілшісі ҚР ТЖМ баспасөз қызметіне сілтеме жасап.
Ведомство мәліметінше, жалын қысқа уақыт ішінде тез тарала бастаған. Алайда өрт сөндірушілердің жедел әрекетінің арқасында қызыл жалын дер кезінде оқшауландырылып, толық сөндірілді.
«Өрттің шығу себебі анықталып жатыр», – делінген министрлік таратқан қысқаша хабарламада.
Оқиғаға байланысты ТЖМ әсіресе қауіпті заттармен жұмыс істейтін нысандарда өрт қауіпсіздігі ережелерін қатаң сақтаудың маңызын еске салды.