Түркістанда 9-сынып оқушысы сыныптасын соққыға жығып, ол оқиға орнында көз жұмды, - деп хабарлайды Aqshamnews.kz.
Түркістан қаласында 9-сынып оқушысы жанжал кезінде сыныптасын кеудесінен ұрып, ол алған жарақатынан сол жерде қайтыс болған.
Облыстық полиция департаментінің мәліметінше, оқиға болған сәтте сыныптастар жанында болған. Полицейлер күдіктіні және жанжалға куә болған барлық жасөспірімді жедел түрде ұстаған.
Құқық қорғау органдары істі сотқа дейінгі тергеп-тексерудің бірыңғай реестріне тіркеп, тергеуді бастап кетті.
Сондай-ақ кәмелетке толмағандардың ата-аналары «балаларды тәрбиелеу міндетін орындамағаны үшін» әкімшілік жауапкершілікке тартылған.
Полиция департаменті тергеу барысы департамент басшылығының ерекше бақылауында екенін атап өтті.