Түркістан облысының соты кәмелетке толмаған қызға қатысты зорлық фактісі бойынша үкім шығарды, – деп хабарлайды aqshamnews.kz тілшісі.
Сот отырысы 24 ақпанда өтті. Судья айыпталушыны «кәмелет жасына толмағанды зорлау» және «тұрғын үйге заңсыз кіру» баптары бойынша кінәлі деп танып, 15 жыл 6 айға бас бостандығынан айырды. Ақпарат құралдарында жазылғандай қыздың анасы Астанаға кеткенде туысы үйіне кіріп, оның қасында үш күн болған. Қыздың әкесі зираттың күзетшісі деген ақпарат бар.
Өкінішке қарай, қыз бала осы зорлық-зомбылықтан кейін жүкті болып қалған. Оның аяғы ауыр екені байқалған кезде ата-анасы дабыл қағып, қылмыскерді іздеген. 15 жастағы оқушы Астанаға келіп босанып, Келеске қайтып барған соң әке-шешесі арыз жазып, тергеу басталған.