Түркістан облысында медициналық мекемеде емделіп жатқан сотталушы ауруханадан қашып кетті. Оқиға 23 қазанда болған, - деп хабарлайды aqshamnews.kz тілшісі.
Түркістан облысы Полиция департаментінің хабарлауынша, қазір жасырынған сотталушының орналасқан жерін анықтауға және ұстауға бағытталған жедел-іздестіру іс-шаралары жүргізіліп жатыр.
"Полицияның барлық жеке құрамы іздестіру жұмыстарына жұмылдырылды. Бақылау бекеттері қойылып, қажетті шұғыл шаралар атқарылып жатыр. Оқиға бойынша қызметтік тергеу басталды, оның қорытындысымен барлық кінәлі тұлғаларға қатысты қатаң шаралар қабылданады. Бұл жайт Түркістан облысы Полиция департаменті басшылығының жеке бақылауында", - делінген облыстың ПД ресми хабарламасында.