Ақмола облысындағы бірегей көлді қорғау мақсатында рейд ұйымдастырылады. Өйткені туристер Көбейтұздан қызғылт тұзды жаппай қазып әкетіп жатыр. Демалушылардың бұл әрекеті әлеуметтік желіге тараған, - деп хабарлайды Аqshamnews.kz тілшісі.
Видеода ер адамдар тұзды қазып алып, түрлі ыдысқа салып жатыр. Адамдар мұнда тіпті арнайы күрекпен, қаппен келген. Еске салайық, кейінгі рет бес жыл бұрын коронавирус карантині кезінде көлдің тұзын емдеу мақсатында қолдану үшін келушілер өзімен алып кеткен еді.
Сол кезде 35 жеке тұлға әкімшілік жауапқа тартылып, айыппұл салынған. Бұл жолы полиция департаменті істі экология министрлігіне жолданған. Алайда ведомство өкілдері құқықбұзушылықтың"нақты мәліметі жоқ" деп, құжатты тәртіп сақшыларына кері қайтарған.
"Экология департаментінің жедел тергеу өкілеттіктерінің болмауына және құқықбұзушыларға қатысты нақты мәліметтің жоқ екеніне байланысты бұл материалдар 1- тамызда кері қайтарылды. Сондай-ақ 1-2 тамызда Ерейментау әкімдігі халықты ақпараттандыруға, құқықбұзушылықтың алдын алуға және азаматтардың құқық санасын арттыруға бағытталған кезекті рейд өткізіледі", - деді Экология министрлігінің баспасөз қызметі өкілдері.