Жаннат ШАРАПХАНҚЫЗЫ, Алматы қаласы, Жетісу аудандық аумақтық сайлау комиссиясының төрайымы:
- Жетісу ауданы аумағында 103 мыңнан астам дауыс берушіге арналған 47 сайлау учаскесі бар. Сайлау учаскелерінде 275 байқаушы отыр. Олардың арасында халықаралық байқаушылар мен ОБСЕ өкілдері де бар. Олар сайлаудың әділ өтіп, келеңсіз оқиғалардың орын алмауын баса қадағалап отыр. Әзірге қандай да бір құқықбұзушылық орын алған жоқ. Дауыс берушілердің көңіл-күйлері көтеріңкі. Дәл қазіргі уақытта келушілердің саны артып, тұрғындардың белсенділігі байқалады. Сайлау учаскелеріне келіп жатқан дауыс берушілер ішінде ауданның қарт тұрғындарымен қатар, алғаш рет дауыс беріп жатқан жастар да бар. Барлығына естелік сыйлықтар табыс етілді. Мұның өзі мерекелік атмосфераны қалыптастыруда.