Сатып алу белсенділігі Алматы қаласы мен Қарағанды облысында жоғары.
2022 жылғы мамырда тұрғын үйді сатып алу-сату бойынша 30 500 мәміле тіркелді, сәуір айымен (52 520) салыстырғанда көрсеткіш 41,9%-ға кеміді, деп хабарлайды Almaty-akshamy.kz
Сатып алу белсенділігі Алматы қаласы мен Қарағанды облысында жоғары, сәйкесінше 4 395 пен 4 055 шарт. Мәміле саны ең аз болған өңір – Солтүстік Қазақстан облысының үлесінде 630 шарт. Қазақстандықтар көп пәтерлі үйлердегі тұрғын үйлерді көбірек алады, мамырда барлығы 21 078 мәміле болды. Көп пәтерлі үйлердегі бөлмелер саны тұрғысынан 2 бөлмелі пәтерлер әлі де сұранысқа ие. Мамырда 8 мың 2 бөлмелі пәтер рәсімделсе, 1 бөлмелі одан бір мыңға аз. Жеке үйлер бойынша 9 422 мәміле рәсімделді.
Жеке үйлерді Алматы және Түркістан облыстарының тұрғындары көбірек алған. 2022 жылғы мамырда тұрғын үйді сатып алу-сату мәмілелерінің саны өткен жылдың тиісті айымен салыстырғанда 36,9% кеміді. Тұрғын үй нарығындағы мәмілелердің өткен жылғы мамырмен салыстырғандағы ең көп төмендеуі Маңғыстау облысында тіркелді – 64,6%.