Мемлекет азаматтарды тұрғын үймен қамтамасыз етуді жүйелі түрде жетілдіруде. Президент қол қойған жаңа заң бойынша «Отбасы банк» толыққанды даму институтына айналады, деп хабарлайды aqshamnews.kz
Бұл банк тұрғын үйге мұқтаж азаматтарды «бір терезе» қағидаты бойынша тіркеп, олардың баспана алуына жәрдемдеседі.
Жаңа заң аясында 71 мыңға жуық азамат мемлекеттік жалдамалы үйлерін жекешелендіруге мүмкіндік алды.
Бұл ардагерлер, көпбалалы отбасылар, мүмкіндігі шектеулі жандар мен жетім балалар секілді әлеуметтік осал топтарға үлкен көмек. Сонымен қатар, 2024 жылы әкімдіктер 20 мыңнан астам пәтер сатып алды, нәтижесінде 13 мың отбасы алғаш рет баспанаға ие болды.