2026 жылғы 24–25 сәуір күндері «Тұран» университетінде XV Turan Model United Nations 2026 конференциясы өтіп жатыр, деп хабарлайды Aqshamnews.kz.
Іс-шараға Қазақстанның бірнеше қаласынан және көрші елдерден 350 делегат қатысуда. «Тұран» университеті бұл жобаны 15 жылдан бері Қазақстан Республикасы Сыртқы істер министрлігі және Біріккен Ұлттар Ұйымының өкілдігімен бірлесіп ұйымдастырып келеді.
Конференция қатысушыларына Қазақстан Республикасы Премьер-министрінің орынбасары – Сыртқы істер министрі Ермек Көшербаев арнайы құттықтау сөз жолдады.
Салтанатты ашылу рәсімі БҰҰ Бас хатшысы Антониу Гутерриштің бейнеқұттықтауымен басталды. Ресми бөлімге ҚР Сыртқы істер министрлігінің өкілдері, БҰҰ жүйесінің өкілдері, сондай-ақ Қытай, АҚШ, Түркия, Польша, Қырғызстан, Өзбекстан, Тәжікстан, Венгрия, Ресей, Әзербайжан және Нигерия дипломатиялық миссияларының өкілдері қатысты.
Сонымен қатар, шараға Қазақстан халқы Ассамблеясы, ҚР Қорғаныс министрлігі, халықаралық академиялық және медиа қауымдастық өкілдері де келді.
Turan Model United Nations 2026 конференциясы халықаралық ынтымақтастықты дамытуға, жастар дипломатиясын ілгерілетуге және жас буынның жаһандық мәселелерге жауапкершілікпен қарауына бағытталған зияткерлік алаңға айналды. Іс-шара барысында қатысушылар кәсіби диалог құрып, идея алмасып, болашақ бірлескен бастамаларға негіз болатын байланыстар орнатты.