Қазақстан бойынша 4 қазанда негізінен ауыспалы бұлтты ауа райы күтіледі, деп хабарлайды Aqshamnews.kz тілшісі.
«Қазгидромет» мәліметінше, елдің солтүстік және шығыс өңірлерінде жаңбыр мен қар аралас жауын-шашын болады. Түнде және таңертең кей жерлерде тұман түсіп, үсік жүруі ықтимал.
Негізгі қалалар бойынша болжам:
- Астана: Ауыспалы бұлтты, таңертең және күндіз аздаған жаңбыр, қар жаууы мүмкін. Солтүстік-батыстан соққан желдің жылдамдығы – 9–14 м/с. Түнде 0…+2°, күндіз +6…+8°.
- Алматы: Ауыспалы бұлтты, жауын-шашынсыз. Солтүстік-шығыстан 3–8 м/с жылдамдықпен жел соғады. Түнгі температура +4…+6°, күндіз +16…+18°.
- Шымкент: Ауыспалы бұлтты, жауын-шашынсыз. Солтүстік-шығыстан соққан желдің екпіні күндіз 15–20 м/с дейін күшейеді. Түнде +5…+7°, күндіз +21…+23°.