Алмалы ауданындағы №90 сайлау учаскесіне алғашқылардың бірі болып келген аудан тұрғыны Людмила Кузьменко бүгін 83 жасқа толып отыр.
Таяқпен жүрсе де саяси науқанға қатысып, өз таңдауын жасаған қарт «дауыс беру – ел азаматы ретінде басты міндетім, парызым деп есептеймін. Менің де дауысым маңызды» дейді.
– Туған күнімнің еліміз үшін аса маңызды қадам жасалар сәтпен тұспа-тұс келгені мен үшін есте қаларлық оқиға болып тұр. Дауыс беру – ел азаматы ретінде менің басты міндетім, парызым. Менің де дауысым маңызды. Дұрыс таңдау жасадым деп ойлаймын. Еліміз тыныш, балаларымыз аман, келешегіміз жарқын болсын! – дейді туған күн иесі.
Дауыс берушінің қуанышты сәтін қалт жібермеген комиссия төрағасы Ақмарал Мағжанқызы туған күн иесін құттықтап, гүл шоқтарын табыс етті.