АҚШ-тың экс-президенті Дональд Трамп 29 қаңтарда Гуантанамо әскери базасын 30 мың мигрантты орналастыруға дайындау туралы меморандумға қол қойды, деп хабарлайды aqshamnews.kz CNN сілтеме жасап.
Мәліметтерге сәйкес, Гуантанамода азаптау оқиғаларымен аты шыққан түрме емес, бұрыннан бар мигранттарды ұстау орталығы кеңейтіледі.
– «Біз тек бар орталықтарды үлкейтеміз», – деді Трамп әкімшілігінің шекара қауіпсіздігі жөніндегі кураторы Том Хоман.
Қазіргі уақытта аталған 30 мың мигранттың ішінде қазақстандықтардың бар-жоғы белгісіз.
Гуантанамо – АҚШ-тың Куба аумағында орналасқан әскери-теңіз базасы. Вашингтон бұл жерді 1903 жылдан бері жалға алып келеді, ал Куба билігі оның жабылуын талап етуде.
Куба президенті Мигель Диас-Канель бұл шешімді қатаң сынға алып:
– «АҚШ үкіметі өздерінің заңсыз иеленген аумағына мыңдаған мигрантты күштеп көшіру арқылы қатыгездік танытуда», – деп мәлімдеді.
Айта кетейік, АҚШ-тағы қатаңдатылған миграциялық саясат туралы Қазақстан азаматтарын осы аптада Қазақстанның Вашингтондағы елшілігі ескерткен болатын.