АҚШ президенті Дональд Трамп 12 елдің азаматтарына АҚШ-қа кіруге тыйым салатын жарлыққа қол қойды, - деп хабарлайды aqshamnews.kz тілшісі.
РИА Новости мәліметінше, сыртқы саясатты, ұлттық қауіпсіздікті және АҚШ-тың терроризмге қарсы күрес мақсатын ескере отырып, мына 12 елдің азаматтарына АҚШ-қа кіруге толық тыйым салуды және шектеу енгізуді ұйғарылған: Ауғанстан, Мьянма, Чад, Конго Республикасы, Экваторлық Гвинея, Эритрея, Гаити, Иран, Ливия, Сомали, Судан және Йемен.
Жарлықта бұл шектеулер АҚШ-қа иммиграциялық және бейиммиграциялық визалар бойынша келетін шетелдіктерге қатысты екені нақтыланған.
Трамп жеті елдің, Бурунди, Куба, Лаос, Сьерра-Леоне, Того, Түрікменстан және Венесуэла, азаматтарына АҚШ-қа кіруге ішінара шектеу қойды.