Қазақстандық боксшы Төрехан Сабырхан Моңғолияның Ұлан-Батыр қаласында өтіп жатқан Азия чемпионатының финалына шықты, – деп хабарлайды aqshamnews.kz тілшісі.
Жартылай финалда Сабырхан Қытай өкілі Ван Пэйченді сенімді түрде жеңді.
Төрехан алғашқы раундтан-ақ басымдықты өз қолына алды. Ол тек бірінші үшминуттықта ұтып қана қоймай, қарсыласын нокдаунға жіберді.
Екінші раундта да қарсыласын екі рет нокдаунға түсіріп, төреші жекпе-жекті мерзімінен бұрын тоқтатты.
Осылайша, Төрехан Сабырхан финалға жолдама алды. Бұған дейін шешуші кезеңге Бақыт Сейдіш (70 келіге дейін), Надежда Рябец (80 келіге дейін) және Дина Исламбекова (80 келіден жоғары) да өткен болатын.