Аталмыш орган 1997 жылы құрылған.
Мемлекет басшысы Қасым-Жомарт Тоқаев 2023 жылғы 27 қаңтардағы «ҚР Президентінің жанындағы Адам құқықтары жөніндегі комиссия туралы» ҚР Президентінің 2003 жылғы 19 наурыздағы № 1042 Жарлығына өзгерістер енгізу туралы» құжатқа қол қойды, деп хабарлайды Almaty-akshamy.kz
Сонымен Қазақстан Республикасы Президентінің жанындағы Адам құқықтары жөніндегі комиссияның құрамына кіргендер:
Алауханов Есберген Оразұлы – «Наука и жизнь Казахстана» халықаралық ғылыми журналының бас редакторы (келісім бойынша);
Бейсембаев Ғани Бектайұлы – Қазақстан Республикасының Білім министрі;
Есқараев Азамат Несіпбайұлы – Қазақстан Республикасының Әділет министрі;
Артур Ермекұлы Ластаев - Қазақстан Республикасындағы Адам құқықтары жөніндегі уәкіл (келісім бойынша);
Нұрбек Саясат – Қазақстан Республикасының Ғылым және жоғары білім министрі;
Асхат Раздықұлы Оралов – Қазақстан Республикасының Мәдениет және спорт министрі;
Хасанова Шахноза Кулабдулаевна - «Сана Сезім» әйелдер бастамаларының құқықтық орталығы» қоғамдық бірлестігінің директоры (келісім бойынша);
Ударцев Сергей Федорович - Қазақстан Республикасы Конституциялық Сотының судьясы (келісім бойынша).
Мына тізімдегілер комиссия құрамынан шығарылды:
Мәдениет және спорт экс-министрі Дәурен Абаев;
Конституциялық сот төрағасы Эльвира Әзімова;
Конституциялық Кеңестің бұрынғы мүшесі Иоган Меркель;
Конституциялық Соттың судьясы Қанат Мусин;
Конституциялық соттың судьясы Еркін Оңғарбаев.
2022 жылдың 29 желтоқсанында Эльвира Әзімова ҚР Конституциялық сотының төрағасы болып тағайындалды. Бұған дейін ол Адам құқықтары жөніндегі уәкіл қызметін атқарған.
2022 жылғы 30 желтоқсанда Қанат Мусин ҚР Әділет министрі қызметінен босатылды. Сол күні ол жаңа қызметке ие болды - ол Конституциялық соттың судьясы болып сайланды. Еркін Оңғарбаев Конституциялық соттың судьясы болып сайланды.
2023 жылдың 4 қаңтарында Дәурен Абаев Мәдениет және спорт министрі қызметінен босатылды. Оны бұл қызметте Асхат Оралов алмастырды.
