Алматыда құтқарушылар бесінші қабатта кондиционердің сыртқы блогының кронштейнінде ілініп қалған әйелді аман алып қалды. Оқиға 9 тамызда күндіз Алғабас ықшамауданында болды, Aqshamnews.kz.
Әйел терезе жуу кезінде абайсызда аяғы тайып, сыртқы қондырғыға жабысып қалған. Оқиға орнына дереу ТЖД қызметі, өрт сөндірушілер, жедел жәрдем, полиция және құтқарушылар жетті.
112 қызметінің диспетчері Дәулет Құшқұрбаев куәгермен байланысып, әйелді сабырға шақырды. Бірнеше минут ішінде келген өрт сөндіру тобы автосатыны жайып, әйелді қауіпсіз жерге түсірді.
Медициналық тексеру нәтижесінде оның ауыр жарақат алмағаны белгілі болды.