Енді жүргізушілерге бұл құжат түрінің қағаз нұсқасын өзімен бірге алып жүру қажеті болмайды.
Индустрия және инфрақұрылымдық даму министрлігі «Ұлттық ақпараттық технологиялар» АҚ-мен бірлесіп автокөліктің техникалық байқаудан өткенін куәландыратын құжатты цифрлы форматқа көшіру бойынша жұмысты бастады, деп хабарлайды Almaty-akshamy.kz.
«Техникалық байқаудың диагностикалық картасы» электронды үкіметтің мобильді қосымшасының жеке кабинетінде сақталатын болады.
Министрліктің мәліметінше, бүгінгі таңда IT мамандары арнайы сервисті әзірлеп жатыр. Интеграциялық жұмыстардан кейін осы қызметтің пилоттық нұсқасы 1 қыркүйекте EgovMobile платформасында іске қосылады.
Цифрлық құжаттардың заңды күші қағаз жүзіндегі нұсқасымен бірдей.