Алматыда Богданович мұздығына апаратын туристік жол бойында қар көшкіні қаупі сақталады, деп хабарлайды аlmaty-akshamy.kz.
Алматы қаласы төтенше жағдайлар департаменті Қазгидрометтің ескертуі негізінде: жауын-шашынның түсуі мен Кіші және Үлкен Алматы өзендерінің бассейндеріндегі қар жамылғысының тұрақсыз жағдайына байланысты қар көшкіні жүру каупін ескертті.
«Алдын алу шараларын кабылдау максатында қауіпсіздікті қамтамасыз ету, сондай-ақ туристер мен келушілердің кіруін шектеу үшін Богданович мұздығының кіреберіс жолында «Абайлаңыз! Мұздық құлауы мүмкін!», «Абайлаңыз! Көшкін қаупі бар учаске!» (үш тілде орнатқан) ескерту тақталары қойылды», - деп хабарлады ТЖД-да.
Осыған байланысты, «Қазселденқорғау» ММ мен Алматы қаласы ТЖД туристер мен демалушыларды қарлы беткейлерге шықпауға, мұз үңгіріне кірмеуге, таулы жерлерде барлық қауіпсіздік шарасын сақтауға шақырды.