Медеу ауданының №64 мектебінде қалалық Білім басқармасының қолдауымен мектеп мұғалімдері мен қызметкерлері арасында волейболдан жарыс өтті.
Турнирге 8 ауданнан 8 команда қатысты. Жарыстың басталу салтанатында Медеу ауданы білім бөлімінің басшысы Ақнұр Оразханқызы сөз алып, мұндай шараның маңыздылығына тоқталды.
Спорттық жарыс тек қатысушыларды ғана емес, көрермендерді де ерекше шабытқа жеткізді. Ұйымдастырушылардың айтуынша, педагогтар арасындағы волейбол турнирі жыл сайын тұрақты түрде өткізіліп тұратын болады.
Өз сөзінде Алматы қаласы Білім басқармасының басшысы Сайран Сайфеденов жарыс қорытындысы бойынша жеңімпаздар мен жүлдегерлерді естелік сыйлықтармен марапатталды.
Бірінші орынды Бостандық ауданының командасы, екінші орынды Медеу ауданы командасы, ал үшінші орынды Алатау ауданы командасы иеленді. Бұл жарыс шынайы спорт мерекесіне айналып, қатысушылар мен көрермендерге ұмытылмас әсер қалдырды.