«Қайрат» пен «Реал» матчын пәтердегі балконнан тамашалау 120 мың теңгеден басталады, деп хабарлайды aqshamnews.kz
Qazaqstan телеарнасының хабарлауынша, Алматыда терезесі стадионға қараған үйлер қымбатқа жалға беріліп жатыр.
Алматыда «Қайрат» пен «Реалдың» ойыны қарсаңында орталық стадионға қараған пәтерлер қымбат бағамен жалға ұсыныла бастады.
Билетке қол жеткізе алмағандар матчты терезеден тамашалай алады. Ал кейбір үйлердің шатырындағы орындар 120 мың теңгеге дейін сатылып жатыр.
Тарихи матч ертең Алматыдағы Орталық стадионда өтеді. Кездесудің билеттері 30 мың теңгеден басталып, 250 мыңға дейін бағаланды.