Сұйылтылған газ бағасының күрт өсуін шектейтін іс-шаралар қабылданады
Энергетика министрі Болат Ақшолақов сұйылтылған газ бағасының күрт өсуін шектейтін кешенді іс-шаралар енгізілетінін айтты, деп хабарлайды Almaty-akshamy.kz
«Қысқа мерзімді іс-шаралар ретінде осы жылғы қаңтар айының соңына дейін Үкіметке сұйылтылған мұнай газы бағасының күрт өсуін шектейтін ашықтық қағидаттары мен тетіктерді енгізуді ескере отырып, электрондық сауда алаңы/тауар биржалары арқылы сұйытылған газ сауда-саттығын одан әрі жетілдіру жөнінде кешенді іс-шаралар енгізілетін болады. Үкіметпен келісілгеннен кейін бұл іс-шаралар нормативтік құқықтық актілерге түзетулер енгізу түрінде ресімделеді», - деді министр Үкімет отырысында.
