Кеше депутат Аманжол Әлтайдың соңғы қоңырау күнін ауыстыруды сұрағанын хабарлағанбыз.
1 маусымда еліміздің оқушылары Халықаралық балаларды қорғау күнімен қатар соңғы қоңырау мерекесін атап өтеді, деп хабарлайды Almaty-akshamy.kz
Бұл туралы Оқу-ағарту министрлігі Орта білім комитетінің төрағасы Гүлмира Кәрімова айтып берді.
«Қазақстанда оқу жылының ұзақтығы - 36 апта. Дәстүр бойынша, оқу жылы 1 қыркүйекте басталып, биылдан бастап 31 мамырда аяқталады», - деді Г. Кәрімова министрліктің телеграм каналында жариялаған түсініктемесінде.
Оның айтуынша, 31 мамыр – оқу жылының соңғы күні. Бұл күні еліміздің мектептерінде оқушылардың жас ерекшеліктерін ескере отырып, Саяси қуғын-сүргін құрбандарын еске алу күніне арналған сыныптан тыс сағаттар өткізіледі. 1 маусымда еліміздің оқушылары Халықаралық балаларды қорғау күнімен қатар соңғы қоңырау мерекесін атап өтеді.