«Соңғы махаббат» көркем фильмі 26 ақпаннан бастап прокатқа шықты, – деп хабарлайды aqshamnews.kz тілшісі.
Картинаға Ернар Нұрғалиев режиссерлік етті . Ол фильмнің продюсерлерінің бірі ретінде де аталады. Сонымен қатар, жобаның продюсерлері қатарында Жансерік Кадырбаев пен Тимур Рахманов бар.
Фильмнің басты рөлдерін Аян Өтепберген мен Ақбота-Нұр Абайқызы сомдаған. Сюжеті бойынша, ауруханада танысқан Айдар мен Динаға қатерлі ісік диагнозы қойылады. Кейін олар қайта кездесіп, қалған уақытын бірге өткізуге шешім қабылдайды.
Айдар мен Динаның махаббатының қалай өрбитіні және олардың хикаясы немен аяқталатыны фильм сюжеті барысында ашылады. Екі жастың сезімі баянды бола ма, әлде тағдыр оларды басқа сынаққа сала ма? Оны «Соңғы махаббат» фильмін көріп білуге болады.