Елде вакцина алмағандарға шектеу қойылады
Жаңа ереже бойынша вакцина салдырмаған адамдар бірінші қажеттілікке жатпайтын тауарлар сататын дүкендерге, фитнес-залдарға кіруіне, спорттық шараларға қатысуына және қонақ үйлерге орналасуына тыйым салынады, деп хабарлайды Almaty-akshamy.kz 24.kz-ке сілтеме жасап.
Денсаулық сақтау министрлігінің мәліметі бойынша науқастар саны 2826 адамға жеткен. Оларға ауруханада орын жетпей жатыр. Билік басқа нысандарды жасақтауға мәжбүр. Ковид жұқтырғандардың 81 проценттен астамы екпе салдырмағандар екен. Мұндағы 5 жарым миллиондай тұрғынның 45 проценті ғана вакцина алған.
«Өздеріңіз көріп тұрғандарыңыздай, елдегі эпидахуал қатты ушығып тұр. Әсіресе ауруханалардағы жағдай өте қиын. Алдағы 3 аптаға арнап қатаң шектеулер енгізуіміз керек. Адамдар вакцина салдыру қажеттігін терең ұғынып, тезірек екпе қабылдаса деймін», - дейді Словакия премьер-министрі Эдуард Хегер.
.