Шымкентте жас қыздың қазасына қатысты қылмыстық іс қозғалып, күдікті ретінде ер адамға іздеу жарияланды, деп хабарлайды Aqshamnews.kz тілшісі.
Мәліметке сәйкес, 2026 жылғы 11 қаңтарда сағат 18:40 шамасында Төлеметов көшесінде, №69/39 үйдің маңынан 20–23 жас аралығындағы қыз бала пышақ жарақаттарымен табылған. Ол оқиға орнында көз жұмған.
Аталған дерек бойынша ҚР ҚК 99-бабы 1-бөлігі («Адам өлтіру») бойынша тергеу басталды.
Полиция күдіктінің оқиға орнынан автокөлікпен бой тасалағанын хабарлады. Құқық қорғау органдары күдіктінің жүрген жері туралы қандай да бір ақпарат болса, 102 нөміріне хабарласуға шақырды.
