Алматының Наурызбай ауданында 10 жылда алғаш рет денешынықтыру-сауықтыру кешені салынады
Алматының Наурызбай ауданында алғашқы денешынықтыру-сауықтыру кешені салынады. Бұл туралы Алматы әкімі Ерболат Досаев Наурызбай ауданының тұрғындарымен кездесуде мәлімдеді. 2014 жылы аудан құрылғаннан бері бұл осындай алғашқы спорт нысаны болады, деп хабарлайды almaty-akshamy.kz
ДСК құрылысының басталуы конкурстық рәсімдер аяқталғаннан кейін 2025 жылдың I тоқсанына жоспарланған. Онда бассейн, әртүрлі спорт түрлері бойынша спорт секцияларына арналған залдар: ойын түрлері, жекпе-жек, бокс, күрес қарастырылады.
Кешен күніне кемінде 500 адамды қабылдайды. Бұл ретте спорт кешені ерекше қажеттіліктері бар адамдарға бейімделеді.
Сонымен қатар, Ақжар ш/а-да ДСК салу жоспарлануда. Осы жылдың соңына дейін резервтік магистральдық сумен жабдықтау және кәріз желілері салынады. Ал, 2025 жылдың I тоқсанында объектінің жобалау-сметалық құжаттамасын әзірлеу басталады.