Щучинск қаласындағы жарылыстан қаза тапқандар саны сегізге жетті, – деп хабарлайды aqshamnews.kz тілшісі.
Мән-жайы
Ақмола облыстық Денсаулық сақтау басқармасының хабарлауынша, ауыр күйік шалған ер адам қайтыс болды. Ол Бурабай аудандық көпбейінді ауруханасының жансақтау бөлімінде ем қабылдағанымен, дәрігерлер оның өмірін сақтап қала алмады.
Контекст
Еске сала кетейік, қайғылы жағдай 26 ақпан күні кешке болған. Щучинск қаласында бес қабатты тұрғын үйге жапсарлас орналасқан бір қабатты дәмханада газ-ауа қоспасы жарылып, артынша өрт тұтанған.
Бұған дейін осы оқиға салдарынан 7 адамның көз жұмғаны хабарланған еді. Қаза тапқандардың арасында 16 жастағы қыз да бар.
Төтенше жағдайдан жалпы 28 адам зардап шекті.