Ақмола облысының Щучье қаласында сегіз адам қаза тапқан жарылыстан кейін "Палау орталығы" дәмханасының иесі екі айға қамауға алынды, – деп хабарлайды aqshamnews.kz тілшісі.
Прокуратураның хабарлауынша, дәмханада болған өрт фактісі бойынша ҚР Қылмыстық кодексінің 292-бабы 3-бөлігі («Өрт қауіпсіздігі талаптарын бұзу, салдарынан екі немесе одан да көп адамның өліміне әкеп соғу») бойынша қылмыстық іс тіркелген.
2026 жылғы 4 наурызда Көкшетау қаласының мамандандырылған тергеу соты кафе иесіне қатысты екі ай мерзімге қамауға алу түріндегі бұлтартпау шарасын санкциялаған.
