Отан қорғаушылар күні қарсаңында өткен волейбол турнирінде Шығыс Қазақстан облысы Төтенше жағдайлар департаменті командасы бірінші орынды жеңіп алды, – деп хабарлайды aqshamnews.kz тілшісі Altainews.kz-ке сілтеме жасап.
Додаға өңірдегі құқық қорғау органдары мен күштік құрылымдардың түрлі бөлімшелерінен құралған 6 команда қатысты. Жарыс барысында қатысушылар тартысты ойын өрнегін көрсетіп, өзара мықтыны анықтады.
Турнир қорытындысында ШҚО ТЖД құтқарушылары ұйымшылдықтың, жеңіске деген жігердің және жоғары дайындықтың үлгісін танытып, жеңіс тұғырының ең биік сатысына көтерілді.
Ведомство мәліметінше, төтенше жағдайлар қызметі спортты дамытуға, салауатты өмір салтын насихаттауға және қызметкерлердің дене даярлығын арттыруға бағытталған іс-шараларға ерекше көңіл бөледі.