2024 жылдың сәуір айында Қазақстан Республикасы Ұлттық қауіпсіздік комитетінің Шекара қызметі құзырлы органдармен бірлесе отырып, шекаралық аймақта Қазақстан Республикасының заңнамасын бұзушы 3 186 адамды құрықтады, деп хабарлайды аlmaty-akshamy.kz.
Оның ішінде 38 шетелдік шекараны бұзса, 29-ы бұзуға әрекеттенген, деп хабарлады Ұлттық қауіпсіздік комитетінің баспасөз қызметі.
Сондай-ақ, мемлекеттік шекара арқылы заңсыз өтудің 1342 фактісіне тосқауыл қойылды, оның ішінде:
- есірткі заттары – 49 факті, жалпы салмағы – 780 кг астам;
- қару, оқ-дәрі – 36 факт;
- діни әдебиет – 38 факт (842 дана);
- жанар-жағармай материалдары – жалпы сомасы 12 млн.теңгеден астам 341 факт (133 тоннадан астам);
- тұтыну тауарлары – жалпы сомасы 3,4 млрд теңгеден астам 744 факт;
- валюта – жалпы сомасы 1,5 млрд теңгеден астам 134 факті.
Ведомствода аталған фактілер бойынша материалдар тәртіп бұзушыларды жауапкершілікке тарту үшін құқық қорғау және сот органдарына жолданғанын атап өтті.
2024 жылдың сәуір айының соңында ҰҚК қызметкерлері шетелден есірткі жеткізудің халықаралық арнасын жойды.