Денсаулығы мықты адамдардың шашы ерте ағара қоймайды.
Шашқа ақтың ертерек түсуі көбінесе пигментация денсаулығы сыр бергенін аңғартады, – дейді дерматовенеролог, трихолог Денис Барбинов "Доктор Питер" порталына берген сұхбатында. Кейде ата-ана алғашқы ақ шашты балада да көріп қалуы мүмкін. Бірақ бұл өте сирек жағдай, көбінесе 30-40 жаста шашқа ақ түседі. Көптеген жылдар бойы ғалымдар бұл немен байланысты екенін анықтауға тырысты, деп хабарлайды aqshamnews.kz.
Нақты жауап беру әлі де қиын, бірақ шашқа ерте ақ түсуі тұқымқуалаушылық болмаса, трихологқа барған жөн.
Біздің шашымызға меланоцит жасушалары шығаратын мелатонин түс береді. Пигмент азайған кезде шаш біртіндеп түссіздене бастайды. Егде жастағы адамдарда ақ шаш меланоциттердің табиғи қартаюынан болады, ал жас адамдарда әртүрлі жағдайларға байланысты жасуша белсенділігі төмендейді.
Тұқымқуалаушылық
Шаш 25 жасқа дейін ағарса, ерте болып саналады. Генетика мен ақ шаштың байланысын қазіргі ғылыми зерттеулер растайды. Ұлыбритания ғалымдары меланин өндіруге қатысатын арнайы IRF4 генін тапты.
Гормоналды ақ шаш
Эндокриндік жүйе, ең алдымен қалқанша безі де меланоцит жасушаларының жұмысын реттейді. Сондықтан қалқанша безінің кез келген бұзылуы меланин деңгейінің төмендеуіне және шаш пигментациясының жоғалуына әкелуі мүмкін. Қалқанша безінің гормондарын бағалау керек.
Аутоиммунды аурулар
Шаштың ерте ағаруы аутоиммунды ауру салдары болуы мүмкін. Мысалы, целиакии ауруы – глютенге төзбеушілік. Меланиннің жетіспеушілігі сонымен қатар адамдарда "таз дақтар" пайда болатын алопециямен қатар жүреді. Шаш қайта өссе де, түсін сақтау қиындау.
Ауыр дерт
Ерте ақ шаш көбінесе витилиго – тері пигментациясының бұзылуы бар науқастарда байқалады. Нейрофиброматоз – ісіктердің дамуымен және теріде қоңыр дақтардың пайда болуымен қатар жүретін тұқым қуалайтын ауру.