Алматыда такси жүргізушісіне қол көтерген жолаушылар жазаға тартылды.
Алматыда такси жүргізушісіне қол көтеріп, балағаттаған екі жолаушы жауапкершілікке тартылды, деп хабарлайды aqshamnews.kz.
Оқиға осы сәуір айында болған. Сот материалдарына сәйкес, такси жүргізушісі көлік ішінде шылым шеккен жолаушыға ескерту жасаған. Алайда жолаушы ескертуге құлақ асқысы келмей, жүргізушінің желкесінен шапалақпен ұрып, балағат сөздер айтқан.
Сот шешімі бойынша, ол Қылмыстық кодекстің 109-1-бабы 1-бөлігі (“Денсаулыққа жеңіл зиян келтіру”) бойынша кінәлі деп танылып, 12 тәулікке қамауға алынды. Сонымен қатар, жәбірленушіге 100 мың теңге моральдық өтемақы төлеуге міндеттелді.
Ал оқиғаға қатысы бар екінші жолаушы, жүргізушіні балағаттағаны үшін, 15 тәулікке әкімшілік қамауға алынды.
Айта кетейік, сот үкімдері әзірге заңды күшіне енген жоқ.