Қазақстанда әлемдік деңгейдегі тағы бір музыкалық оқиға өтуі ықтимал. Астанада Дженнифер Лопестің концертін ұйымдастырған продюсер Мәлік Хасеновтің айтуынша, қазіргі уақытта әйгілі әнші Шакирамен келіссөздер жүргізіліп жатыр, деп хабарлайды Аqshamnews.kz.
"Мен сіздерге кішігірім құпияны ашайын. Біз онымен (Шакирамен - ред.) келіссөз жүргізіп жатырмыз. Бұйырса күзде белгілі болады. Жаңалық күтіңіздер", - деді ол.
Еске салайық, 1 тамыз күні Астанада америкалық поп-музыка жұлдызы Дженнифер Лопес үлкен концерт өткізген болатын. Ал 10 тамызда ол Алматыда өнер көрсетеді. Сонымен қатар, қыркүйекте Астана мен Алматы қалаларында Backstreet Boys тобының шоу-концерттері жоспарланып отыр.
Айта кетейік, бұған дейін Мәдениет және ақпарат министрі Аида Балаева да Лара Фабиан мен Шакираның концерттеріне баруға ниетті екенін білдірген.