Сенбі күні еліміздің басым бөлігінде ауа райы құбылып, жаңбыр, найзағай, бұршақ пен дауыл күтіледі, деп хабарлайды Aqshamnews.kz.
«Қазгидромет» мәліметінше, солтүстік-батыста қатты жаңбыр жаууы мүмкін. Республика бойынша тұман түсіп, жел күшейеді, ал оңтүстікте шаңды дауыл болжанып отыр.
Астанада күн құбылмалы бұлтты, кешке қарай жаңбыр жауады. Ауа температурасы түнде +9…+11, күндіз +24…+26 градус болады.
Алматыда жауын-шашынсыз, күн құбылмалы бұлтты. Түнде +9…+11, күндіз +22…+24 градус жылы.
Шымкентте де жауын-шашын болмайды. Ауа температурасы түнде +11…+13, күндіз +27…+29 градусқа дейін көтеріледі.
Батыс Қазақстан, Атырау, Маңғыстау, Ақтөбе, Қостанай облыстарында жаңбыр күтіледі. Ақмола, Ұлытау, Абай, Қызылорда және бірқатар өңірлерде найзағай ойнауы мүмкін.
Синоптиктердің хабарлауынша, алдағы үш тәулікте оңтүстік, оңтүстік-шығыс және шығыс өңірлердегі тау өзендерінде су деңгейі құбылады. Солтүстік Қазақстан облысындағы Есіл өзенінде су деңгейінің көтерілуі ықтимал.