Қазақстан Республикасы Парламенті Сенатының депутаты Сұлтан Дүйсембинов Алматы облысының Талғар ауданының зиялы қауым өкілдерімен, кәсіпкерлермен, аграршылармен және жастармен кездесу өткізді.
Кездесудің басты тақырыбы Қазақстанда атом электр станциясын (АЭС) салу болды. Сенатор өз сөзінде АЭС салу мәселесі еліміздің энергетикалық мәселелерін шешуде маңызды қадам екенін атап өтті. Дүйсембиновтың айтуынша, АЭС Қазақстанға электр энергиясына өсіп жатқан сұранысты қанағаттандыруға ғана емес, болашақта тұрақты экономикалық өсімнің негізі болуға да көмектеседі.
"Атом электр станциясы Қазақстанның углеродты энергия көздеріне тәуелділігін азайтады, бұл өз кезегінде елдегі экологиялық жағдайдың жақсаруына ықпал етеді. АЭС төңірегіндегі инфрақұрылымды дамыту жаңа жұмыс орындарының ашылуына және аймақтың дамуына серпін береді", - деп атап өтті Сұлтан Дүйсембинов.
Сенатор халықаралық тәжірибеде атом энергиясын пайдалану мәселесіне кеңінен тоқталып, оның экологиялық артықшылықтарын баса айтты. Ол атом энергетикасына көшу көміртегі шығарындыларын азайтуға және климат өзгерістерімен күресуге мүмкіндік беретінін, бұл қазіргі экологиялық сын-қатерлер жағдайында аса маңызды екенін түсіндірді.
Кездесу соңында Сұлтан Дүйсембинов Талғар ауданының тұрғындарын алдағы 6 қазанда өтетін референдумға белсенді қатысып, АЭС салу мәселесі бойынша өз азаматтық ұстанымдарын білдіруге шақырды.