Бұл жаңалық семіздікті тиімді әрі жеңілірек емдеуге көмектеседі.
Сан-Францискодағы Калифорния университеті ғалымдары төңкеріске тең жаңалық ашты, деп хабарлайды Almaty-akshamy Мediatanym телеграм арнасына сілтеме жасап.
Ақ май жасушаларын қоңыр түріне айналдыру арқылы семіздікпен күресуге болады. Ақ май денеде жиналады, ал қоңыр жасушалы май калорияны жойып жібереді.
Семіздік – денсаулық сақтау саласының жаһандық проблемасы, ол диабет, жүрек ауруларымен байланысып жатыр. Адамның қарынына жиналатын ақ май ағзада энергия жинақтауды білдіргенмен, шамадан артса қауіпті.
Ал қоңыр жасушалар термогенезге қатысады – жылу шығарып, дене температурасын ұстап тұрады. Ақшыл түсті май жасушалары ағзаның қажеттілігіне қарай энергияны сақтауға әрі жұмсауға қатысады.
Адам ағзасы ақ май жасушаларын қоңыр/ақшыл жасушаларға табиғи түрде айналдыра алады дейді ғалымдар. Бұл әдіс көптен бері зерттеліп келе жатыр.
Калифорния университеті ғалымдары ақ майды қоңыр түстіге айналдыратын KLF-15 ақуызын тапты. Тышқандарға жасалған сынақ сәтті өтті. Қосымша зерттеулер мен клиникалық сынақтар жүргізілген соң семіздікке ұшыраған миллиондаған адамды емдеудің озық тәсілі қолданысқа енгізіледі.