THE MMA GURU YouTube арнасының танымал жүргізушісі Мэнсон қазақстандық Шавкат Рахмоновтың UFC чемпионы Белал Мұхаммедтен басымдығын айтты, деп хабарлайды aqshamnews.kz.
"Белалдың бойы аласа болғандықтан, Шавкат клинчте өзінің күшін тиімді пайдаланады. Қарсыласының денесі мен басына тізе соққыларын жасап, жақын қашықтықта шынтақпен шабуылдайды. Ол Белалдың алдыңғы қарсыластары жасай алмаған нәрсені жасайды. Шавкат оны жақын да, алыс та қашықтықта ұра алады," - деп мәлімдеді Мэнсон өзінің подкастында.
Айта кетейік, жартылай орта салмақтағы UFC чемпионы Белал Мұхаммед (24-3) пен қазақстандық Шавкат Рахмонов (18-0) арасындағы жекпе-жек 8 желтоқсан күні АҚШ-ғы T-Mobile Arena кешенінде өтеді.