Саин көшесін ұзарту үшін көлік қозғалысын осы жылдың соңына дейін ашу жоспарлануда
Ауданның жол инфрақұрылымын дамыту бойынша белсенді жұмыс жалғасуда. Алатау ауданының шағын аудандарындағы көшелер ағымдағы жөндеуден өтеді, аудан әкімдігіне 500 млн. теңге бөлінді, деп хабарлады қала әкімі Ерболат Досаев халықпен кездесуде.
Қалалық мобилділік басқармасы биылғы шілде айында ұзындығы 60 шақырым болатын 63 көшені қамти отырып, 12 шағын ауданда орташа жөндеу жұмыстарын бастады. Жұмыстарды осы жылдың қараша айында аяқтау жоспарланған. Бүгінгі күні «Алғабас», «Қарасу» шағын аудандары және Саин көшесі бойынша жұмыстар жүргізілуде.
Саин көшесін ұзарту үшін көлік қозғалысын осы жылдың соңына дейін ашу жоспарлануда. Сондай-ақ, Мөңке би мен Ақын-Сара көшелерінің қиылысындағы көлік жолайрығында барлық бағыттар бойынша қозғалысты 2023 жылдың соңына дейін ашу жоспарлануда.