Шымкент әкімінің орынбасары Руслан Берденов Respublica партиясының тең төрағасы қызметінен кетті, - деп хабарлайды aqshamnews.kz.
Партия өкілінің мәліметінше, "Мемлекеттік қызмет туралы" заңның 10-бабы 5-тармақшасына сәйкес мемлекеттік қызметшілер өз лауазымдық өкілетін жүзеге асыру кезінде саяси партиялардан, қоғамдық және діни бірлестіктерден тәуелсіз және бейтарап болуға міндетті.
"Бүгінде Берденов Respublica партиясының құрылымында қандай да бір басшылық лауазым атқармайды. Бірақ партия мүшесі ретінде қала береді", – деп мәлімдеді партия өкілі.
Еске салайық, 2025 жылғы ақпанда Руслан Берденов Шымкент әкімінің орынбасары қызметіне тағайындалған болатын.
Биыл 21 сәуірде Шымкент қаласы әкімдігі ғимараты маңында Руслан Берденовке оқ атылды.
Полиция мәліметінше, күдікті ұсталып, уақытша ұстау изоляторына қамалды, бұл дерек бойынша қылмыстық іс қозғалған.