Құтқарушылар жаңа жыл қарсаңында отшашу ататындарға ескерту жасады, деп хабарлайды aqshamnews.kz
Мереке күндері рұқсат етілмеген жерлерде отшашу мен петарда атқандар 74 мың теңгеге жуық айыппұл арқалайды.
Құтқарушылар мен полицейлер петардаларды пайдалану қайғылы жағдайға әкелуі мүмкін екенін ескертті.
“Пиротехникалық бұйымдар ғимараттар мен құрылыстардан 50 метрден жақын емес қашықтықта атылуы тиіс. Көбінесе отшашу, петардалар атылмай қалады, сол кезде адам жанына барып, “неге?”, “қалай?” деп қарай бастайды. Сол кезде ол атылып, нәтижесінде жарақат пайда болады”, – деді Алматы қаласы төтенше жағдайлар департаменті Мемлекеттік өрт бақылау басқармасының бастығы Константин Канин.
Дәрігерлер жаңа жыл қарсаңында ауруханаға түрлі жарақаттармен келетін науқастар саныны артатынын айтады.